"Kapau ʻoku ʻikai ke ke lea faka-Pilitānia, ʻoku totonu ke ke ako ia ʻi hoʻo hoko ko ha faifekaú. ʻE faitāpuekina koe ʻe he meʻá ni lolotonga hoʻo ngāue fakafaifekaú pea ʻi he toenga hoʻo moʻuí." - Malangaʻaki ʻEku Ongoongoleleí, Vahe 7, Ako e Lea Faka-Pilitāniá

ʻOku lolotonga ʻoatu e lea faka-Pilitānia ki he ngaahi nāunau ʻa e Kau Faifekaú ki ha faifekau pē ʻoku ʻikai lea faka-Pilitānia, ʻoku ngāue mavahe mei he ʻIunaiteti Siteití mo Kānatá. Kapau ʻoku ʻikai ke ke maʻu ʻa e ngaahi nāunaú, peá ke fie kau mai, kātaki ʻo fetuʻutaki ki hoʻo kau taki fakamisioná.

ʻE lava ke fili ʻe he ngaahi siteikí mo e uōtí ke fai ha ngaahi kulupu fepōtalanoaʻaki fakauike ʻi he EnglishConnect ʻo fakaʻaongaʻi ʻa e ngaahi maʻuʻanga tokoni ki he EnglishConnect.

Fakatatau mo e fakahinohino ʻa hoʻo kau taki ngāue fakafaifekaú, te ke lava ʻo poupouʻi e ngaahi ngāue taki ʻa e mēmipá ʻaki haʻo fakaafeʻi ho ngaahi kaungāmeʻa ʻo e Siasí ke nau kau ʻi he ngaahi kulupu taki ʻo e kāingalotú, kau fakataha ʻa e ngaahi kulupú ko ha tokotaha ako, pe tokoni ʻi hono tataki ʻo e ngaahi kulupú pe ʻoange ha ngaahi faingamālie akoako lahi ange maʻanautolu ʻoku kau maí. Fealēleaʻaki mo hoʻo taki ngāue fakafaifekaú mo e kau taki fakalotofonua ʻo e Siasí ke fakaʻaongaʻi ʻa e EnglishConnect ko ha konga ʻo hoʻo fekumí mo e ngaahi ngāué. ʻAʻahi Ngaahi Founga Kehekehe ke Fakaʻaongaʻi ʻa e EnglishConnect ke maʻu ha fakamatala lahi ange.

Fokotuʻu ha ngaahi taumuʻa ki hono ako fakauike ʻo e lea faka-Pilitāniá pea lotua ke maʻu ʻa e meʻafoaki ʻo e lea kehekehé.

• Akoako lea faka-Pilitānia ʻi he faingamālie totonu kotoa pē:
  • ʻI he fale nofoʻangá
  • ʻI he ngaahi fakatahá mo e konifelenisí, ʻo ka feʻunga ke fakahoko
  • ʻI he vahaʻa ʻo e ngaahi ʻapoinimeni
  • ʻI he ngaahi ʻinitaviu mo e ʻimeili fakauike ki hoʻo palesiteni fakamisiona, ʻo ka feʻunga
• Ngāue faivelenga ʻi he ngaahi lēsoní ʻi he ngaahi tohi ngāue EnglishConnect pe ʻinitanetí.
• Haʻisia ki ha taha ʻoku fakalakalaka (hangē ko ha hoa, taki fakavahefonua, pe ko ha kouʻotineita lea fakafonua ne vahe ʻe he palesiteni fakamisioná).

ʻOku poupouʻi mo fakangofua ʻa e kau faifekaú ke nau ako ʻa e lea faka-Pilitānia ʻi ha miniti ʻe 30-60 ʻi he ʻaho ko ha konga ʻo e taimi-tēpile fakaʻaho ʻa e faifekaú. Ka ʻi ai ha toe taimi kehe ʻoku totonu ke fai ia ʻi he vaha'a 'o e ngaahi fakataha fakamisiona kuo ʻosi palani. ʻI he ngaahi meʻa ʻoku ako ai ʻe ha hoa ʻe taha ʻa e lea fakafonua ʻo e misioná, ʻe lava ke vahevahe ʻa e taimi ako leá ke feau ʻaki e ngaahi fie maʻu ʻa e ongo faifekaú fakatouʻosi.

Kapau ʻokú ke ʻi ha tuʻunga EnglishConnect kehe mei ho hoá, fakaʻaongaʻi e ako lea fakafonua hoá ke fakahoko ʻaki e ngaahi ʻekitivitī fepōtalanoaʻaki fakauike ʻi he lēsoní. Fakaʻaongaʻi ʻa e palani ʻo e lēsoni ʻa e hoá ʻi he tuʻunga māʻulalo angé.

ʻI hano fakangofua ʻe he palesiteni fakamisioná, te ke lava foki ʻo akoako mo e kau faifekau kehé ʻi ho tuʻungá. ʻE lava ke fai tautau toko ua pe fakakulupu iiki ʻeni ʻo fakaʻaongaʻi ʻa e ngaahi meʻangāue konifelenisi vitiō hangē ko e Zoom pe fakafekauʻaki mo e ngaahi fakataha angamaheni kuo ʻosi fakataimi-tēpileʻí, hangē ko ia kimuʻa ʻi he ngaahi fakataha fakavahefonuá. Muimui ʻi he fakahinohino ʻa hoʻo kau taki fakamisioná ke fakapapauʻi ha toe ngaahi faingamālie mo ha ngaahi meʻangāue kehe ke akoako ai.

Ako Fakahoá

ʻI he tohi ngāue EnglishConnect 1 & 2, ko e ngaahi ʻekitivitī lelei taha ke fakahoko fakatahá ko e Fepotalanoaʻaki, konga ʻo e Hoa Akoako, mo e konga ki he ʻEkitiviti Fakalahi.Te ke lava ʻo ako mo akoako fakahoko fakataha ʻa e ngaahi foʻi lea ʻi he konga ki mui ʻo e tohi ngāué.

ʻI he tohi ngāue EnglishConnect 3, ko e ngaahi ʻekitiviti lelei taha ke fakahoko fakataha ʻoku tuʻu ia ʻi he konga Ako Lea Fakafonua ʻa e Hoa Akoako.

Te ke lava foki ʻo akoako talanoa ki he ngaahi fie maʻu ʻa kinautolu ʻokú ke akoʻí pea mo e ngaahi tefitoʻi moʻoni ʻo e ongoongoleleí ʻokú ke akó. Fakaʻaongaʻi e ngaahi fokotuʻu ʻoku lisi atu ʻi he "Ako mo Ho Ngaahi Hoá" ʻi he Malangaʻaki ʻEku Ongoongoleleí, Vahe 7.

Ako Fakatāutahá

Te ke lava ʻo fakahoko toko taha pē ʻa e ngaahi ʻEkitivitī Akoako ʻi he ngaahi tohi ngāué pea ʻi he ʻinitanetí. Te nau tokoni atu ke ke akoako laukonga, tohi, fakafanongo mo lea. ʻOku ʻi ai foki mo ha ngaahi fakafuofuaʻi ʻi he ʻInitaneti ʻe tokoni atu ke ke muimuiʻi hoʻo fakalakalaka.

Ako lahi ange ki he ngaahi ʻekitivitī ke fakakakato mo ho hoá pe ko haʻo vakaiʻi pē ʻe koe ʻa e sīpinga ʻo e palani akó ʻi he Ngaahi Sitepu ʻo e Ngāue Fakafaifekaú ki he Lavameʻá.

ʻE lava ʻe he kau faifekau ʻoku nau vahevahe ha telefoní ʻo fakaʻaongaʻi e device ki he ngaahi ʻekitivitī ko ia ʻoku fie maʻu ke fanongo ki he ongó.

Kapau ʻoku ke ʻi he tuʻunga tatau mo ho hoa, te mo lava ʻo fakakakato fakataha ʻa e ngaahi ʻekitiviti fakafanongo 'i he EnglishConnect.

Naʻe totonu ke ke maʻu kotoa e ngaahi tohi ngāue EnglishConnect 1 & 2 pea mo e tohi kalamá ʻi he Senitā Akoʻanga Fakafaifekaú pe ʻi he malaʻe ʻo e ngāue fakafaifekaú mei hoʻo kouʻotineita lea fakafonuá. ʻOku toe ʻi ai foki mo ha ngaahi ʻekitivitī akoako mo ha ngaahi fakafuofuaʻi makehe lava ke maʻu ʻi he ʻInitanetí. ʻI hano fakangofua ʻe hoʻo palesiteni fakamisioná, te ke lava foki ʻo hū ki he EnglishConnect 3 web app ʻaki haʻo hū ki loto ʻaki ho hingoa ngāué mo e lea fufū ʻi hoʻo ʻakauni Faka-Siasí.

ʻE lava ke fakaʻaongaʻi ʻa e tohi fakamoʻoni EI ke fakalahi hoʻo:

• Ngaahi faingamālie fakaakó:
  • Lesisita ʻi he BYU-Pathway Worldwide
  • Fakaʻaongaʻi ki he ʻapiako taukei
• Ngaahi faingamālie ngāue
  • Fakakau ʻa e potoʻi lea faka-Pilitānia ʻi hoʻo CV pe resume
  • ʻAve ʻa e ngaahi tohi fakamoʻoní ki he ngaahi ʻinitaviu ngāué

ʻIkai. ʻOku fie maʻu ʻe he ʻUnivēsiti Pilikihami ʻIongi ʻi Polovo ʻi ʻIutaá ke fakahoko mo fakahoko lelei ʻe he fānau ako kotoa pē ʻoku haʻu ʻa e ngaahi sivi ki he TOEFL pe IELTS. Neongo ia, ʻoku fakakakato ʻe ha maaka EI ʻo e 6.5 pe maʻolunga ange ʻa e fie maʻu faka-Pilitania ki he BYU-Pathway Worldwide.

Kātaki ʻo vakai ki he ngaahi fie maʻu ki he huu ki he ʻunivēsiti takitaha.

ʻAʻahi Ngaahi Sitepu ki he Lavameʻa ʻa e Faifekaú ke ako lahi ange fekauʻaki mo e ngaahi meʻa ke fili mei ai hili hoʻo ngaue fakafaifekau.

Ko e sivi Elicited Imitation (EI) ko ha sivi lea té ne tokoniʻi koe ke sivi ho ngaahi mālohinga ʻi he leá mo hoʻo fakalakalaká.

Lolotonga ʻa e sivi fakakomipiuta ko ʻení, té ke fanongo ki ha ngaahi sētesi kehekehe ʻi he lea faka-Pilitāniá ʻa ia té ke angimui fakafoki.

ʻI hoʻo hokohoko atu ʻi he siví, ʻe lōloa ange ʻa e ngaahi sētesí pea faingataʻa ange.

ʻI he hili ʻa e siví, ʻe ʻoatu kia koe ha lipōti ʻoku fokotuʻu ʻi ai ha ngaahi fakakaukau mo e ngaahi fakatātā leʻo ke tokoniʻi koe ʻi hoʻo ako ʻa e leá.

Té ke lava foki ʻo taunilouti mo pulusi (kapau ʻe fie maʻu) ʻa e tohi fakamoʻoni ʻe ʻoatu ʻi he ngataʻanga ʻo e siví ke ngāue ʻaki hoʻo misiona.

ʻOku kau ʻi he tohi fakamoʻoni ko ʻeni ʻa ho'o hingoa, ko e maaka ʻo e siví, ko ha fakafehoanaki ki he sikeili CEFR, ko ha fakamatala ʻo e maaká, ko e ʻaho naʻe fakahoko ai ʻa e siví, mo ha ʻaho ʻoku fokotuʻu ai ʻa e fuoloa ʻoku ʻaonga ai ʻa e tohi fakamoʻoní.

Ko e tohi fakamoʻoní ʻoku ʻaonga ʻi he māhina ʻe fā hili hono fakahoko ʻo e sivi EI, ka ʻe tali ʻe he BYU-Pathway Worldwide ʻa e maaka EI ʻo aʻu ki he taʻu ʻe taha hili ʻa e ʻaho siví.

ʻOku totonu ké ke fakahoko ʻa e EI ʻi he fehikitaki hono tolu kotoa pē (fakafuofua ki he māhina ʻe fā kotoa pē) lolotonga hoʻo misiona ʻo fakatatau mo e taimi tēpile hoʻo misiona.

ʻE lava ke ke hū ki he EI ʻo fakafou ʻi he Missionary Portal ʻi he Fakafuofuaʻi ʻo e Lea Fakafonuá.

ʻOku totonu foki ké ke fakahoko ʻa e EI lolotonga hoʻo fehikitaki fakaʻosí pea taunilouti mo paaki (kapau ʻe fie maʻu) ʻa e tohi fakamoʻoní ʻo tatau ai pē kapau kuo siʻi hifo ʻi he māhina ʻe fā talu hoʻo sivi fakamuimuí.

ʻOku ʻikai fie maʻu ké ke fakahoko ʻa e sivi lea faka-Pilitānia ʻoku tuʻutuʻuni ke lesisita ʻaki ʻi he BYU-Pathway Worldwide kapau naʻe 6.5 pe maʻōlunga ange ʻi hoʻo sivi EI fakamuimuí.

Té ke lava ʻo ngāue fakataha mo hoʻo taha ngāue ʻi he lea fakafonuá ke lesisita koe ʻi he BYU-Pathway Worldwide lolotonga ʻa e fehikitaki fakaʻosi ʻo hoʻo misiona.

Ko e kau faifekau kuó nau foki ʻa ia kuo tali ke hū ki he BYU-Pathway Worldwide ʻoku lava ké nau maʻu ʻa e fakamaʻamaʻa 25% ʻi he totongi akó ʻo fakafou ʻi he polokalama halafononga ki he mataʻitohi ʻa e BYU-Pathway Worldwide ʻoku ui ko e PathwayConnect.

(ʻOku kau ki heni ʻa e kau faifekau naʻe ʻikai kenau fakakakato e kotoa ʻenau misiona.)

Fēfē kapau naʻe ʻikai ke maʻōlunga feʻunga hoku maaká?

Kapau ʻoku ʻikai 6.5 pe maʻōlunga ange ai ho maaká ʻi he EL, té ke kei lava pē ʻo kole ke hū ki BYU-Pathway Worldwide pea kuó pau ke fie maʻu ia ké ke fakahoko ʻa e sivi lea faka-Pilitāniá ko e konga ʻo e ngāue atu ki hoʻo lesisitá.

Kapau ʻe ʻikai ké ke lava ʻi he sivi lea faka-Pilitānia ʻa e BYU-Pathway Worldwide, ʻe lava ké ke hoko atu ʻo ako ʻa e lea faka-Pilitāniá ʻo ngāue ʻaki ʻa e ngaahi naunau EnglishConnect.

Ki he EnglishConnect 3, ʻe ʻikai toe lava ké ke ngāue ʻaki ʻa e tatau ʻikai totongi maʻá e kau faifekau, ka té ke lava ke kau atu ki ha kulupu EnglishConnect 3 ʻi honau ʻēliá ʻi ha totongi ako siʻisiʻi ke hoko atu ʻa hono fakaleleiʻi ʻenau ngaahi pōtoʻi lea faka-Pilitāniá.

ʻI hono fakakakato ʻe ha faifekau ʻa e EnglishConnect 3 pe ongoʻi kuo mateuteu ke kole ke hū ki BYU-Pathway Worldwide, té ke ava ke toʻo ʻa e Sivi Lea faka-Pilitāniá ke hū ʻaki.

"Kapau ʻoku ʻikai ke ke lea faka-Pilitānia, ʻoku totonu ke ke ako ia ʻi hoʻo hoko ko ha faifekaú. ʻE faitāpuekina koe ʻe he meʻá ni lolotonga hoʻo ngāue fakafaifekaú pea ʻi he toenga hoʻo moʻuí." - Malangaʻaki ʻEku Ongoongoleleí, Vahe 7, Ako e Lea Faka-Pilitāniá

ʻOku lolotonga ʻoatu e lea faka-Pilitānia ki he ngaahi nāunau ʻa e Kau Faifekaú ki ha faifekau pē ʻoku ʻikai lea faka-Pilitānia, ʻoku ngāue mavahe mei he ʻIunaiteti Siteití mo Kānatá. Kapau ʻoku ʻikai ke ke maʻu ʻa e ngaahi nāunaú, peá ke fie kau mai, kātaki ʻo fetuʻutaki ki hoʻo kau taki fakamisioná.

ʻOku fokotuʻu ʻe he palesiteni fakamisioná ʻa e vīsoné mo fakapapauʻi ʻoku maʻu ʻe he kau faifekaú ha taimi feʻunga ʻi he ʻaho takitaha ki hono ako ʻo e leá. ʻOkú ne poupouʻi ʻa e kau faifekaú ke nau kau ʻi he polokalamá, pea ʻokú ne vahe ha taha ke hoko ko e kouʻotineita ʻo e lea fakafonuá. ʻE lava ke hoko ʻa e kouʻotineita ʻo e lea fakafonuá ko ha ongomātuʻa faifekau matuʻotuʻa, sekelitali fakamisiona pe tokoni, hoa ʻo e palesiteni fakamisioná, pe ko ha faifekau tokoni fakalotofonua pe mamaʻo mei he Siasí.

ʻOku ʻikai totonu ke ongoʻi haʻisia ʻa e hoa ʻo e palesiteni fakamisioná ke fakahoko e polokalamá, pea ʻi heʻene fealēleaʻaki mo e palesiteni fakamisioná, te ne lava ʻo fili pe ʻe anga fēfē haʻane fie kau mai. ʻE lava ke ne hoko ko ha ivi tākiekina mālohi ki hono fakaʻaiʻai e kau faifekaú ke nau faivelenga ʻi heʻenau ako e lea faka-Pilitāniá.

Ko e tefitoʻi fatongia ʻo e kouʻotineita ke tokangaʻi ʻa e polokalama EnglishConnect maʻá e Kau Faifekaú ʻi heʻenau ngāue fakafaifekaú. ʻOku kau heni hono fakapapauʻi hono tufaki ʻo e ngaahi nāunau faka-Pilitānia kotoa pē ki he misioná, vakaiʻi e fakalakalaka ʻa e kau faifekaú, mo poupouʻi mo tokoniʻi e kau faifekaú ʻi heʻenau ngaahi taumuʻa ako faka-Pilitāniá.

ʻOku totonu ke maʻu ʻe he kouʻotineita ʻo e lea fakafonuá ha lea faka-Pilitānia feʻunga ke ne fekumi ki he ngaahi fakafuofuaʻi ʻi he ʻinitanetí pea ʻoku totonu ke ne lava ʻo poupouʻi mo poupouʻi ʻa e ngaahi hoá mo e/pe kau faifekau fakafoʻituituí ʻi heʻenau ako e lea faka-Pilitāniá.

Ke maʻu ha fakamatala lahi ange, hū ki he Ngaahi Fatongia ʻo e Kouʻotineita ʻo e Lea Fakafonuá.

ʻOku fakalele ʻa e ngaahi kulupu EnglishConnect fakauike ʻa e siteikí mo e uōtí ʻe he ngaahi uooti mo e siteiki fakalotofonuá ko ha maʻuʻanga tokoni moʻui fakafalala pē kiate kita mo fakafeohi ki he kāingalotu fakalotofonuá mo e ngaahi kaungāmeʻa ʻo e Siasí.

ʻE lava ke kau ʻa e kau faifekau ʻoku nau fakaʻaongaʻi ʻa e EnglishConnect ke ako e lea faka-Pilitāniá ʻi heʻenau ngāue fakafaifekaú ko ha fakalahi pē ki heʻenau founga fakatāutaha mo fakahoa. ʻE lava foki ke fili ʻe he palesiteni fakamisioná ke fakaʻaongaʻi ʻa e EnglishConnect ko ha meʻangāue ke kumi ʻaki.

Fakatatau mo e fakahinohino ʻa e palesiteni fakamisioná, ʻe lava ke fakaafeʻi ʻe he kau faifekaú ʻa e ngaahi kaungāmeʻa ʻo e Siasí ke nau kau ʻi he ngaahi kulupu taki ko ʻeni ʻo e kāingalotú, kau mai, pe tokoni ʻi hono tataki ʻo e ngaahi kulupú ko ha konga ʻo e fakafeohi mo e kumi ʻo e ngaahi ngāué.

ʻAʻahi Ngaahi Founga Kehekehe ke Fakaʻaongaʻi ʻa e EnglishConnect ke maʻu ha fakamatala lahi ange.

Kapau ʻoku ʻikai lea faka-Pilitānia ha taha ʻo e ongo faifekaú, ʻe hoko ʻa e ngaahi faile ʻo e ongó ʻe lava ke download ko ha maʻuʻanga tokoni mahuʻinga ia ki hono ako ʻo e lea faka-Pilitāniá ʻoku tonú.

ʻIkai ngata aí, ʻoku ʻoange ʻe he ngaahi fakataha fakavahefonuá mo e ngaahi konifelenisi fakasouní ha faingamālie ki he kau faifekaú ke nau akoako talanoa mo fai ha ngaahi fehuʻi ki he kau lea fakafonua ʻo e lea faka-Pilitāniá.

"Kapau ʻoku ʻikai ke ke lea faka-Pilitānia, ʻoku totonu ke ke ako ia ʻi hoʻo hoko ko ha faifekaú. ʻE faitāpuekina koe ʻe he meʻá ni lolotonga hoʻo ngāue fakafaifekaú pea ʻi he toenga hoʻo moʻuí." Malangaʻaki ʻEku Ongoongoleleí, Vahe 7, Ako e Lea Faka-Pilitāniá

ʻOku lolotonga ʻoatu e lea faka-Pilitānia ki he ngaahi nāunau ʻa e Kau Faifekaú ki ha faifekau pē ʻoku ʻikai lea faka-Pilitānia, ʻoku ngāue mavahe mei he ʻIunaiteti Siteití mo Kānatá. Kapau ʻoku ʻikai ke ke maʻu ʻa e ngaahi nāunaú, peá ke fie kau mai, kātaki ʻo fetuʻutaki ki hoʻo kau taki fakamisioná.

Ko e tefitoʻi fatongia ʻo e kouʻotineita ʻo e lea fakafonuá ke tokangaʻi mo fakapapauʻi ʻoku ola lelei e polokalamá ʻaki ʻene poupouʻi e vīsone ʻa e palesiteni fakamisioná. ʻOku kau heni hono tufaki ʻo e ngaahi nāunau fekauʻaki , muimuiʻi ʻo e fakalakalaka ʻa e faifekaú, mo hono tokoniʻi mo poupouʻi ʻo e kau faifekaú ʻi heʻenau ngaahi taumuʻa ako faka-Pilitāniá.

ʻE lava ke fakaʻaongaʻi he taimi pē ko iá ʻe he kau ʻosi ngāue fakafaifekau ne nau maʻu ha ola ko e 6.5 pe māʻolunga ange ʻi he EI fakaʻosí, ke nau fakaʻaongaʻi he taimi pē ko iá ʻa e BYU-Pathway Worldwide ʻa ia ne ʻosi ngāue fakafaifekau kimuʻa he ngāue fakafaifekaú ke nau hū ki ai pea maʻu ʻa e Sikolasipi ki he Kau ʻOsi Ngāue Fakafaifekaú — ko ha fakamaʻamaʻa ʻe 25% ʻo e totongi ako.

Ke maʻu ha fakamatala lahi ange, hū ki he Ngaahi Fatongia ʻo e Kouʻotineita ʻo e Lea Fakafonuá.

ʻE lava ke ʻota ʻa e ngaahi tohi ngāue EnglishConnect mo e tohi kalamá ʻaki haʻo fekumi ki he “EnglishConnect” ʻi he Falekoloa ʻInitaneti ʻa e Siasí pe fakaʻaongaʻi ʻo e Senitā Tokoni Fakamāmani Lahí.

ʻE lava ke hiki ʻa e kau faifekaú ki he tuʻunga EnglishConnect hono hokó ʻi he taimi te nau aʻusia ai ʻa e ngaahi fie maʻu ko ʻeni ke fakakakato honau tuʻunga lolotongá:

EnglishConnect ma'á e Kau Kamata Foʻoú: Fakakakato hono kotoa 'o e ngaahi lēsoni ʻe ono ʻi he Fakahinohino ki he EnglishConnect maʻá e Kau Kamata Foʻoú ʻi he Tall Embark mobile app.

EnglishConnect 1: Fakakakato kotoa e ngaahi ʻekitivitī ʻo e lēsoní. ʻOku fakaʻaongaʻi ʻe ha kau faifekau tokolahi ʻa e ngaahi ʻiuniti mo e ngaahi sivi 'a e EnglishConnect 1 ke tokoni kiate kinautolu ʻi hono fakafuofuaʻi ʻenau mateuteú. Ko e maaka ʻo e 80% pe maʻolunga ange ʻi he sivi EnglishConnect 1 ko ha fakaʻilonga ʻaonga ia ʻoku nau mateuteu ki he EnglishConnect 2.

EnglishConnect 2: Fakakakato kotoa e ngaahi ʻekitivitī ʻo e lēsoní. ʻOku fakaʻaongaʻi ʻe ha kau faifekau tokolahi ʻa e tatau faka-Pilitānia ʻo e ʻiuniti ʻe 2 mo e ngaahi sivi ke tokoniʻi kinautolu ke fakafuofuaʻi ʻenau mateuteú. Ko e maaka ʻo e peseti ʻe 80 pe maʻolunga ange ʻi he sivi EnglishConnect 2 ko ha fakaʻilonga ʻaonga ia ʻoku nau mateuteu ki he EnglishConnect 3.

ʻE lava ʻe he kau faifekau ʻoku nau vahevahe ha telefoni ʻo fakaʻaongaʻi ʻa e device ki hono ako e lea faka-Pilitania kae fakakakato ʻe honau hoa ʻa e taimi ako fakatautaha. Kapau ʻoku tuʻunga tatau ʻa e kau faifekaú, te nau lava ʻo fakakakato fakataha ʻa e ngaahi ʻekitivitī ʻo e lēsoní.

ʻE lava ke maʻu ʻe he kau faifekaú mo download hangatonu pē ʻa e ngaahi faile ʻo e ongó ki heʻenau telefoní. Hū ki he download ngaahi faile ki he ongó ʻe kehekehe pē ʻo fakatatau mo e ngaahi meʻangāue toʻotoʻo ʻoku fakaʻaongaʻi ʻe he kau faifekaú.

ʻOku fakaʻaongaʻi ʻa e ngaahi faile ʻo e ongó ʻe lava ke download (downloadable audio files) ki he ngaahi ʻekitivitī fakafanongo ʻi he tu'unga takitaha 'o e EnglishConnect. ʻOku fakahingoa kinautolu ʻo fakatatau ki he fika ʻo e ʻekitivitī ʻi he lēsoni takitaha. ʻOku nau tokoni ʻi he fakafanongó ʻi hono mahinó, leá, mo e hoko ko ha sīpinga ʻo e leá.

Ko e sivi Elicited Imitation (EI) ko ha sivi lea ʻokú ne tokoniʻi ʻa e kau faifekau ke siviʻi honau ngaahi mālohinga ʻi he leá mo ʻenau fakalakalaká. Lolotonga ʻa e sivi fakakomipiuta ko ʻení, ʻe fanongo ʻa e kau faifekau ki ha ngaahi sētesi kehekehe ʻi he lea faka-Pilitāniá ʻa ia tenau angimui fakafoki. ʻI heʻenau hokohoko atu ʻi he siví, ʻe lōloa ange ʻa e ngaahi sētesí pea faingataʻa ange. ʻI he hili ʻa e siví, ʻe ʻoatu ki he kau faifekau ha lipōti ʻoku fokotuʻu ʻi ai ha ngaahi fakakaukau mo e ngaahi fakatātā leʻo ke tokoniʻi kinautolu ʻi heʻenau ako ʻa e leá. Te nau lava foki ʻo taunilouti mo pulusi (kapau ʻe fie maʻu) ʻa e tohi fakamoʻoni ʻe ʻoatu ʻi he ngataʻanga ʻo e siví ke ngāue ʻaki hili ʻenau ngaahi misiona.

ʻE lava ke fakaʻaongaʻi ʻe he kau faifekaú ʻa e ngaahi maʻuʻanga tokoni ko ʻení ke fua ʻaki ʻenau fakalakalaká. Ko e maaka ' e ngaahi fakafuofua ko ʻení he ʻikai vahevahe ia mo e kouʻotineita ʻo e lea fakafonuá pe kau taki fakamisioná—ʻoku fakataumuʻa pē ʻa e ngaahi fakafuofua ko ʻení ke tokoni ki he kau faifekaú ʻi hono tataki ʻenau akó. ʻI heʻene peheé, ʻoku poupouʻi atu e kau faifekaú ke nau lekooti honau maaká kapau te nau fie muimuiʻi ʻenau fakalakalaká.

Ngaahi Sivi ʻo e Tuʻunga (EnglishConnect 1 & 2)
ʻOku maʻu ʻa e tuʻunga kimuʻa mo e ngaahi sivi ʻi he lea faka-Pilitānia ʻi he Ngaahi Maʻuʻanga Tokoni ʻa e Faifekaú peesi ki he EnglishConnect 1 mo e 2. ʻE lava ke fakaʻaongaʻi ʻe he kau faifekaú ʻa e sivi kimuʻá 'o e tu'unga ke ʻiloʻi pe ko e hā 'a e lahi ʻo e ngaahi meʻa ʻoku ʻosi ʻiloʻi ʻe ha faifekau kimuʻa pea toki kamata ha tuʻungá. ʻE lava ke to'o ʻa e sivi kimuí 'o ha tuʻunga ʻi he teuteu ʻa e faifekaú ke hiki ki he tuʻunga hono hokó. Ko e maaka peseti ʻe 80 pe maʻolunga ange ʻi he sivi ko ʻeni ko ha fakaʻilonga ʻaonga ia kuo mateuteu ha faifekau ke fakalakalaka ki he tuʻunga hono hoko.

Ngaahi Sivi ʻa e ʻIunití (EnglishConnect 1 & 2)
ʻOku maʻu ʻa e ngaahi sivi ʻa e ʻiunití ʻi he Ngaahi Maʻuʻanga Tokoni ʻa e Faifekaú peesi ʻi he fakaʻosinga ʻo e ʻiuniti takitaha. ʻE lava ke fakahoko e ngaahi fakafuofuaʻi ko ʻení ʻi he fakaʻosinga ʻo e ʻiuniti takitaha. ʻE lava ke vakai'i ʻe he kau faifekaú pe 'oku nau mahino'i lelei ʻa e ngaahi tefito'i fakakaukau ʻoku fakamatalaʻi ʻi he ngaahi lēsoni 4–5 'i ha fa'ahinga ʻiuniti.

Vakaiʻi Kita ʻe he Lēsoni (EnglishConnect 1 & 2)
ʻOku fakakau ʻa e ngaahi sivi ko ʻení ʻi he ngataʻanga ʻo e lisi ʻo e ngaahi maʻuʻanga tokoni ki he lēsoni takitaha ʻi he Ngaahi Maʻuʻanga Tokoni ʻa e Faifekaú peesi. ʻE lava ke fakaʻaongaʻi ʻe he kau faifekaú ʻa e sivi fakafuofua'i kita ke vakaiʻi pe ʻoku mahino lelei fēfē kiate kinautolu ʻa e ngaahi tefitoʻi fakakaukau ʻi ha lēsoni.

Sivi Angimui (EI)
ʻOku lava ke maʻu ʻa e Elicited Imiation Test (EI) ʻi he Missionary Portal ʻi lalo ʻi he Ngaahi Fakafuofuaʻi ʻo e Lea Fakafonuá. ʻI he sivi ko ʻení, ʻe fakafanongo e kau faifekaú ki he ngaahi sētesí ʻi he lea faka-Pilitāniá pea te nau toe lau mai. ʻOku fakataumuʻa ia ke ʻasi ai e poto ʻa ha faifekau ʻi he lea fakafonua. ʻOku ʻoatu ha maaka mo ha fakamatala tokoni ki he faifekaú. ʻE lava ke fakatokangaʻi ʻa e fakakake ʻo e maka ʻo ha faifekau ʻi he EI ʻi he Dashboard ʻo e Lea Fakafonua. ʻE lava ke ʻave ʻe he kau faifekaú ʻa e EI ʻi he fehikitaki ʻe tolu pe ʻi he māhina ʻe fā kotoa pē ʻi heʻenau ngāue fakafaifekaú. Ki he EI fakaʻosi, te nau lava ʻo paaki ʻa e maaka pea fakaʻaongaʻi ʻa e tohi fakamoʻoni ke fakahaaʻi ʻaki ʻenau potoʻi leá.Kapau te nau maʻu ha ola ko e 6.5 pe maʻolunga ange ʻi he EI fakaʻosi te nau lava ʻo feʻunga ke maʻu ha ngaahi faingamālie fakangāue lahi ange mo fakaako—tautautefito BYU-Pathway Worldwide.

ʻI he fakaʻosinga ʻo e EI Fakaʻosí, ʻoku totonu ke download mo paaki ʻe ha faifekau (kapau ʻe fie maʻu) ʻenau tohi fakamoʻoní ke fakaʻaongaʻi ʻi he kahaʻú. Kapau naʻe ʻikai lava ʻe ha faifekau ʻo download ʻa e tohi fakamoʻoní he taimi ko iá, ʻe lava ke ʻīmeili ʻa e Kouʻotineita ʻo e Lea Fakafonuá ki he support@emmersion.ai pea kole ha tohi fakamoʻoni maʻá e faifekaú.

ʻOku ʻikai fiema'u ke fokotuʻutuʻu ha polokalama "hoa lea faka-Pilitānia" 'aki ha ngaahi maʻuʻanga tokoni mei tuʻa mei he misioná. ʻOku maʻu ʻe he kau faifekaú ha faile ki he ongó maʻu ʻi he ʻInitanetí pea lava ke maʻu ha ngaahi faingamālie fakanatula ke akoako ai he ʻahó kotoa.

Fakatatau mo e fakahinohino ʻa e palesiteni fakamisioná, ʻe lava ke poupouʻi ʻe he kau kouʻotineita ʻo e lea fakafonuá ha toe ngaahi faingamālie akoako ʻi he ngaahi vahé mo e ngaahi souni. ʻOku totonu ke fenāpasi ʻa e ngaahi ʻekitivitī ko ʻení mo e ngaahi fakataha angamaheni kuo ʻosi fakataimi-tēpileʻí pea ʻoua ʻe fuʻu fakamafasia ki he kau taki faifekaú. Hangē ko ʻení, ʻe lava ke fakamoleki ʻe he ngaahi vahefonuá ha miniti ʻe 5 ki he 10 ʻi ha fakataha fakavahe ke akoako ha fokotu'utu'u ki he lea faka-Pilitāniá mei he konga lēsoni "Hoa Akoako" ʻo e ngaahi tohi ngāué. Kapau ʻe fakahoko, ʻoku totonu ke fakaʻaongaʻi pē ʻa e ngaahi ʻekitivitī ko ʻení ke fakalotolahi mo fokotuʻu ha 'ātakai ʻokú ne poupouʻi ʻa e ako lea faka-Pilitāniá.

ʻOku ʻaonga ʻa e tohi fakamoʻoni mo e maaka EI ʻa e faifekau ʻo aʻu ki ha taʻu ʻe taha hili hono fakakakato ʻo e sivi.

ʻOku kau ʻi he tohi fakamoʻoni ko ʻeni ʻa e hingoa ʻo e faifekau, ko e maaka ʻo e siví, ko ha fakafehoanaki ki he sikeili CEFR, ko ha fakamatala ʻo e maaká, ko e ʻaho naʻe fakahoko ai ʻa e siví, mo ha ʻaho ʻoku fokotuʻu ai ʻa e fuoloa ʻoku ʻaonga ai ʻa e tohi fakamoʻoní.

Ko e tohi fakamoʻoní ʻoku ʻaonga ʻi he māhina ʻe fā hili hono fakahoko ʻo e sivi EI, ka ʻe tali ʻe he BYU-Pathway Worldwide ʻa e maaka EI ʻo aʻu ki he taʻu ʻe taha hili ʻa e ʻaho siví.

ʻOku totonu ke fakahoko ʻe ha faifekau ʻa e EI ʻi he fehikitaki hono tolu kotoa pē (fakafuofua ki he māhina ʻe fā kotoa pē) lolotonga ʻenau faifekau ʻo fakatatau mo ʻenau taimi tēpile misiona.
ʻE lava ke hū ʻa e kau faifekau ki he EI ʻo fou ʻi he Hū'anga e kau Misiona ʻi he Ngaahi Sivi Lea Fakafonuá.

ʻOku totonu foki ke fakahoko ʻe he kau faifekau ʻa e EI lolotonga ʻenau fehikitaki fakaʻosí pea taunilouti mo paaki (kapau ʻe fie maʻu) ʻa e tohi fakamoʻoní ʻo tatau ai pē kapau kuo siʻi hifo ʻi he māhina ʻe fā talu ʻenau sivi fakamuimuí.

ʻOku ʻikai fie maʻu ke fakahoko ʻe he kau faifekau ʻoku maaka 6.5 pe maʻolunga ange ʻi heʻenau sivi EI fakamuimuí ʻa e sivi lea faka-Pilitānia ʻoku tuʻutuʻuni ke lesisita ʻaki ʻi he BYU-Pathway Worldwide. ʻE lava ʻa e kau faifekau ʻo lesisita ʻi he BYU-Pathway Worldwide lolotonga ʻa e fehikitaki fakaʻosi ʻo ʻenau misiona (vakai ki he Tohi Fakahinohino ki he Kau Taki Misiona, 2.7.2. "Tokoni ki he kole ki he BYU-Pathway Worldwide".)

Ko e kau faifekau kuó nau foki ʻa ia kuo tali ke hū ki he BYU-Pathway Worldwide ʻoku lava ké nau maʻu ʻa e fakamaʻamaʻa 25% ʻi he totongi akó ʻo fakafou ʻi he polokalama halafononga ki he mataʻitohi ʻa e BYU-Pathway Worldwide ʻoku ui ko e PathwayConnect. (ʻOku kau ki heni ʻa e kau faifekau naʻe ʻikai kenau fakakakato e kotoa ʻenau misiona.)

Fēfē kapau naʻe ʻikai ke maʻōlunga feʻunga ʻenau maaká?

Kapau ʻoku ʻikai maaka 6.5 pe maʻōlunga ange ai ha faifekau ʻi he EL, té ne kei lava pē ʻo kole ke hū ki BYU-Pathway Worldwide pea kuó pau ke fie maʻu ia ké ne fakahoko ʻa e sivi lea faka-Pilitāniá ko e konga ʻo e ngāue atu ki heʻene lesisitá. Kapau ʻe ʻikai ke lava ʻa e faifekau ʻi he sivi lea faka-Pilitānia ʻa e BYU-Pathway Worldwide, ʻe lava ʻa e faifekau ke hoko atu ʻo ako ʻa e lea faka-Pilitāniá ʻo ngāue ʻaki ʻa e ngaahi naunau EnglishConnect.

Ki he EnglishConnect 3, ʻe ʻikai toe lava ke ngāue ʻaki ʻe he kau faifekau kuo foki maí ʻa e tatau ʻikai totongi maʻá e kau faifekau, ka tenau lava ke kau atu ki ha kulupu EnglishConnect 3 ʻi honau ʻēlia ʻi ha totongi ako siʻisiʻi ke hoko atu ʻa hono fakaleleiʻi ʻenau ngaahi pōtoʻi lea faka-Pilitāniá. ʻI hono fakakakato ʻe ha faifekau ʻa e EnglishConnect 3 pe ongoʻi kuo mateuteu ke kole ke hū ki BYU-Pathway Worldwide, té ne lava ke toʻo ʻa e Sivi Lea faka-Pilitāniá ke hū ʻaki.