Peesi ʻuluakí
Tokoni
Ngaahi Maʻuʻanga Tokoni ʻa e Kau Faifekaú
Languages
  • English
  • Cebuano
  • 中文
  • Deutsch
  • Français
  • Italiano
  • 日本語
  • 한국어
  • Português
  • русский
  • Español
  • Tagalog
  • Tongan
  • Sāmoa
  • українська
    • x
    Tokoni
    Languages
  • English
  • Cebuano
  • 中文
  • Deutsch
  • Français
  • Italiano
  • 日本語
  • 한국어
  • Português
  • русский
  • Español
  • Tagalog
  • Tongan
  • Sāmoa
  • українська
    • Ngaahi Maʻuʻanga Tokoni ʻa e Kau Faifekaú
    66c9fe3d8c077cea75b88a9479053e61134b4127.jpeg
    66c9fe3d8c077cea75b88a9479053e61134b4127.jpeg
    Kau Faifekaú
    Ngaahi Sivi ʻi he Lea Fakafonuá
    > ... Ngaahi Sivi ʻi he Lea Fakafonuá

    Ko e ngaahi sivi ʻi he lea fakafonuá ʻa e faifekaú, ko ha meʻangāue ʻaonga ia maʻá e faifekau ʻoku ako ha lea fakafonua foʻoú. ʻOku ua ʻa e ngaahi sivi ʻi he lea fakafonuá ʻe lava ke fakahoko ʻe he kau faifekaú: the elicited imitation assessment (EI) [ko e siviʻi ʻa e fanongo ki he lea fakafonuá pea faʻifaʻitakiʻí] mo e language speaking assessment (LSA) [siviʻi ʻa e leá ʻi he lea fakafonuá]. Te na fakatou tokoni ki he kau faifekaú ke toe vakaiʻi ʻenau fakalakalaká mo fakaleleiʻi ʻenau ako ʻa e lea fakafonuá.

    Elicited Imitation (EI) [Siviʻi ʻa e Fanongo ki he Lea Fakafonuá pea Faʻitakitakiʻí]
    Maʻá e kau faifekau ʻoku nau ako ʻa e lea faka-Pilitāniá ʻo fakafou ʻi he EnglishConnect maʻá e Kau Faifekaú. ʻOku toe maʻu foki ʻa e sivi ko ʻení ʻi he lea faka-Sipeiní, faka-Falanisē, faka-Siamane, faka-ʻĪtali, faka-Siapani, faka-Manitalini, faka-Potukali, mo e faka-Takāloká maʻá e kau faifekau kuo vahe ke nau ako ʻa e lea fakafonua ʻo ha misiona.

    ʻOku tokoniʻi ʻe he siviʻi ʻa e fanongo ki he lea fakafonuá pea faʻitakitakiʻí pe (EI) ke siviʻi ʻa e ngaahi taukei ʻa e kau faifekaú ʻi he lea fakafonuá mo ʻenau fakalakalaká. Lolotonga ʻo e sivi ko ʻení (ʻoku lava ke maʻu ʻi ha komipiuta pe telefoni), ʻe fanongo pea lau ʻe he kau faifekaú ha ngaahi sētesi kehekehe ʻi he lea fakafonua ʻoku nau akó. ʻOku fakaʻau ke lōloa mo faingataʻa ange ʻa e ngaahi sētesí ʻi he hokohoko atu ʻa e siví.

    ʻI he fakaʻosinga ʻo e siví, ʻe maʻu ʻe he kau faifekaú ha lipooti ʻe ʻoatu ai ha ngaahi fokotuʻu fakakaukau mo ha ngaahi sīpinga ki he ongo [ʻo e lea fakafonuá], te nau lava ʻo fakafanongo ki ai ke tokoni ki hono fakatupulaki ʻenau ako ki he lea fakafonuá. Te nau lava foki ʻo download ʻa e tohi fakamoʻoni ʻe ʻoatu ʻi he fakaʻosinga ʻo e siví ke nau fakaʻaongaʻi hili ʻenau ngāue fakafaifekaú. ʻOku totonu ke fakahoko ʻe he kau faifekaú ʻa e (EI) sivi ʻi he lea fakafonuá ʻi he ʻaho ʻe 105 kotoa pē (fehikitaki hono tolu kotoa pē).

    Language Speaking Assessment (LSA) [Siviʻi ʻa e Leá ʻi he Lea Fakafonuá]
    Maʻá e kau faifekau kotoa pē ʻoku nau ako ha lea fakafonuá.

    ʻOku maʻu ʻi he siviʻi ʻa e leá ʻi he lea fakafonuá pe (LSA) ha faingamālie maʻá e kau faifekaú ke siviʻi fakataautaha ai ʻenau fakalakalaká mo fakatupulaki ʻenau ako ʻa e lea fakafonuá. Te nau tali ʻi he sivi ko ʻení ʻa e ngaahi fehuʻi fekauʻaki mo ʻenau ngaahi taukei ʻi he lea fakafonuá pea foaki ha tali ʻi he lea fakafonua ʻoku nau akó ʻi he taimi ʻe ʻoange ai honau faingamalie ke nau talí. ʻE maʻu leva ʻe he kau faifekaú ha lipooti ʻo fakatatau mo ʻenau sivi fakatāutahá. ʻE lava ʻo fakahoko ʻa e sivi fakataautaha ko ʻení ʻi he lahi taha ʻe fiemaʻú.

    d5ab495308400211817e7289ee311fb3fa807571.jpeg 52330fc6b7eaaabbb01865f47c9da42e080b38d7.jpeg

    Ngaahi Fehuʻi ʻOku Faʻa Lahi Hono ʻEké

    Ko e fē taimi ʻoku totonu ke fakahoko ai ʻe he kau faifekaú ʻa e ngaahi sivi ko ʻení? Ko e hā ʻoku totonu ke nau muimui ai ʻi he taimi-tēpile ʻo e siví?
    ʻOku totonu ke fakahoko ʻe he kau faifekaú ʻa e (EI) sivi ʻi he lea fakafonua ʻi he ʻaho ʻe 105 kotoa pē (fehikitaki hono tolu kotoa pē). He ʻikai ʻatā ia kiate kinautolu ʻi he ngaahi vahaʻa taimi ʻoku fakahoko ai ʻa e siví. ʻE lava ke nau fakahoko ʻa e LSA, ʻa ia ʻoku maʻu ʻi he ngaahi lea fakafonua kotoa pē, ʻi he lahi taha ʻe fiemaʻú. ʻOku totonu ke fakahoko ʻe he kau faifekaú ʻa e sivi EI lolotonga ʻenau fehikitaki fakaʻosí (tatau ai pē pe ko e hā hono fuoloa mei heʻenau sivi EI fakamuimuitahá).

    ʻE maʻu ʻe he kau faifekaú ha ʻīmeili ki he taimi ke nau fakahoko ai ha sivi. ʻE lava ke fakahoko ʻa e sivi ko ʻení ʻi loto ʻi ha uike ʻe ua hili hono maʻu ʻa e ʻīmeilí. ʻOku tuku atu ʻa e ngaahi ʻīmeili fakamanatu ko ʻení ʻo fakatatau mo e Taimi-Tēpile ʻo e Sivi ʻi he Lea Fakafonuá ʻo ha ʻēlia.

    ʻE tokoni ʻa hono muimuiʻi ʻo e taimi-tēpile ko ʻení ki he kau faifekaú mo kinautolu ʻoku nau tokoniʻi kinautolú ke fakapapauʻi ʻoku hū mai ʻa e ngaahi maaka ʻo e siví ʻi he meimei taimi tatau pē ki he kau faifekau kotoa pē ʻi he ʻēliá. ʻE tokoni ʻeni ki he kau takí ke nau fakafuofuaʻi lelei ange ʻa e tuʻunga fakalakalaka ʻo e kau faifekaú ʻi heʻenau ngaahi taukei ʻi he lea fakafonuá.
    ʻOku fakahoko fēfē ʻe he kau faifekaú ha sivi ʻi he lea fakafonuá?
    ʻE lava ke hū ʻa e kau faifekaú ki he EI mo e LSA fakatouʻosi ʻi he fehokotakiʻanga ʻoku ʻoatu ʻi heʻenau ʻīmeili fakamanatú pe ko e fehokotakiʻanga ʻi he peesi ʻo e Language Learning Resources [Ngaahi Maʻuʻanga Tokoni ki he Ako ʻo e Lea Fakafonuá] ʻi heʻenau Missionary Portal.
    ʻE founga fēfē haʻaku vakaiʻi ʻa e maaka ʻo e sivi ʻi he lea fakafonuá ʻa e kau faifekaú?
    ʻOku lava ke maʻu ʻe he kau taki fakamisioná (kau palesiteni fakamisioná, ngaahi hoa ʻo e kau palesiteni fakamisioná, mo e ongo tokoni ʻi he kau palesitenisī fakamisioná) ʻa e Language Development Report [Lipooti ʻo e Fakalakalaka ʻi he Lea Fakafonuá] ʻi heʻenau Missionary Portal. Vakaiʻi ʻa e Language Development Report [Lipooti ʻo e Fakalakalaka ʻi he Lea Fakafonua] ko ʻení ke ʻilo ki he tuʻunga ʻoku ʻi ai ʻa e ngaahi sivi ʻi he lea fakafonuá ʻa e kau faifekaú. ʻOku kau ʻi he lipooti ko ʻení ha ngaahi fakamatala fakasitētisitika maʻá e kau faifekau ʻoku nau ako ha lea fakafonua ʻo ha misiona mo e kau faifekau ʻoku nau ako ʻa e lea faka-Pilitāniá ʻo fakafou ʻi he EnglishConnect maʻá e Kau Faifekaú. ʻOku kau foki ai mo ha ngaahi lipooti fakaikiiki ʻo e fakalakalaká maʻá e kau faifekaú fakafoʻituitui.


    ʻE lava ke vahevahe ʻe he kau taki ʻo e misioná ʻa e lipōtí mo kinautolu ʻoku nau tokoni ki he ako ʻo e lea fakafonua ʻi he misioná ʻaki hono download ʻo e fakamatalá mei he konga “Download” ʻi he lipōtí.
    ʻE lava fēfē ke ako ʻa e kau faifekaú ʻi he vahaʻa taimi ʻoku ʻikai fai ai ha ngaahi sivi EI?
    ʻI he taimi ʻoku ʻikai fai ai ha ngaahi sivi EI, ʻe lava ʻa e kau faifekaú ʻo:
    • Fakaʻaongaʻi ʻa e ngaahi tohi ngāue mo e polokalama ʻe lava ke fanongo ki ai (pe polokalama ʻi he ʻinitanetí) ʻo e EnglishConnect maʻá e Kau Faifekaú pea mo e polokalama Embark.
    • Fakaʻaongaʻi ʻa e lipooti EI pe LSA ko ha fakahinohino ki he ngaahi fakakaukau ki he meʻa ke akó.
    • Vahevahe ʻa e ngaahi hiki ʻo ʻenau leá mei he lipooti EI pe LSA mo ha niʻihi ʻoku nau poto ange ʻi he lea fakafonuá ke maʻu ha fakamatala tokoni meiate kinautolu.
    • Faʻu ha palani ako lea fakafonua fakauike mo ha ngaahi taumuʻa pau (vakai, Malangaʻaki ʻEku Ongoongoleleí vahe 7 ki ha fakamatala lahi ange).
    Ko e fē feituʻu ʻe lava ke maʻu mei ai ʻe he kau faifekaú ʻenau ngaahi olá?
    ʻE lava ke vakaiʻi ʻe he kau faifekaú ʻa e ngaahi ola ʻo ʻenau siví ʻaki ʻenau ʻalu ki he peesi ʻo e sivi ʻi he lea fakafonuá ʻi heʻenau Missionary Portal. Mei ai, ʻe lava ke nau lomiʻi ʻi he tab “View Results” [“Vakaiʻi ʻo e Ngaahi Olá”] ke vakai ki he ngaahi ola ʻo ʻenau sivi kimuʻá.
    Ko e hā ʻe fakaʻaongaʻi ki ai ʻe he kau faifekaú ʻenau ngaahi olá?
    ʻOku fakahaaʻi ʻe he peesi ʻo e ngaahi olá (vakai, “Where can missionaries find their results” [“Ko e fē feituʻu ʻe lava ke maʻu ai ʻe he kau faifekaú ʻenau ngaahi olá”]) ha fakafuofua ʻo e tuʻunga malava lolotonga ʻo ha faifekau ʻi he lea fakafonuá . ʻE lava ke fakaʻaongaʻi ʻe he kau faifekaú ʻa e ngaahi fakakaukau, ʻekitivitī, mo e ngaahi maʻuʻanga tokoni ʻi he peesi ko ʻení ke tokoni ke fakatupulaki ʻenau ako ki he lea fakafonuá.

    ʻI heʻenau fehikitaki fakaʻosí, ʻe lava ke download ʻe he kau faifekaú ʻa e tohi fakamoʻoní ʻi he fakaʻosinga ʻo e sivi EI ke fakaʻaongaʻi hili ʻenau ngāue fakafaifekaú. ʻE lava ʻe he tohi fakamoʻoni ko ʻení ʻo tokoniʻi ke toe lelei ange honau ngaahi faingamālie fakangāué hili ʻenau ngāue fakafaifekaú pea mo e faingamālie ke nau kau ʻi he BYU-Pathway Worldwide.

    ʻOku ʻomi ʻe he BYU–Pathway Worldwide ha faingamālie ki hono maʻu ʻo e ngaahi mataʻitohi ako ʻoku fakahoko ʻi he ʻinitanetí ʻi heʻene fengāueʻaki mo e BYU-Idaho mo e Ensign College ʻa ia ʻoku fakapaʻanga ʻe he Siasí pea ʻi ha totongi maʻamaʻa.
    Ko e hā ʻa e maaka ʻoku fiemaʻu ke aʻusia ʻe he kau faifekau ECM ke nau kole hū ʻaki ki he BYU-Pathway Worldwide?
    Ko e kau faifekau ko ia ʻoku nau maʻu ha maaka 6.5 pe māʻolunga ange ʻi heʻenau sivi EI fakaʻosí, te nau ʻatā mei he tuʻunga ʻi he lea faka-Pilitāniá ʻoku fiemaʻu ke hū ʻaki ki he BYU-Pathway Worldwide. ʻE lava ke lesisita ʻa e kau faifekaú ʻi BYU-Pathway Worldwide lolotonga ʻa e fehikitaki fakaʻosi ʻo ʻenau ngāue fakafaifekaú (vakai, Tohi Tuʻutuʻuni maʻá e Kau Taki Fakamisioná, 2.7.2. “Tokoni ki he kole ke hū ki he BYU–Pathway Worldwide”.)

    ʻE ʻotomētiki pē hono maʻu ʻe he kau ʻosi mei he ngāue fakafaifekaú ʻoku tali ke hū ki he BYU-Pathway Worldwide ha holoki peseti ʻe 25 ʻo ʻenau totongi akó lolotonga ʻa e ngaahi kalasi tefito ʻo e BYU-Pathway (PathwayConnect).

    Fēfē kapau he ʻikai māʻolunga feʻunga ʻenau māká?
    Kapau ʻoku ʻikai ke maʻu ʻe ha faifekau ha maaka 6.5 pe māʻolunga ange ʻi he EI, ʻe lava ke hokohoko atu ʻene ako lea faka-Pilitāniá ʻo fakaʻaongaʻi ʻa e ngaahi naunau mei he EnglishConnect. Ki he EnglishConnect 3, he ʻikai toe lava ʻe he kau ʻosi mei he ngāue fakafaifekaú ʻo fakaʻaongaʻi ʻa e polokalama taʻetotongi ki he faifekaú, ka te nau lava ʻo kau ki ha kulupu ʻo e EnglishConnect 3 ʻi honau feituʻú ʻi ha kiʻi totongi ako siʻisiʻi ke hoko atu ʻi he polokalamá. ʻI he taimi ʻe fakakakato ai ʻe ha faifekau ʻa e EnglishConnect 3 pe ongoʻi mateuteu ke kole hū ki he BYU-Pathway Worldwide, te ne lava ʻo toʻo ʻa e Sivi ʻi he Lea Faka-Pilitāniá ke hū ki ai.
    Ko e hā ʻoku ʻasi ʻi he tohi fakamoʻoni ako EI?
    ʻOku kau ʻi he tohi fakamoʻoni ko ʻení ʻa e hingoa ʻo e faifekaú, maaka ʻo e siví, ko ha fakafehoanaki ki he meʻafua CEFR, ko ha fakaʻuhingaʻi ʻo e māká, ko e ʻaho naʻe fai ai ʻa e siví, mo ha ʻaho ʻoku fakahaaʻi ai hono lōloa ʻa e ʻaonga ʻo e tohi fakamoʻoní. ʻOku ʻaonga ʻa e tohi fakamoʻoní ʻi ha māhina ʻe fā hili hono fakahoko ʻo e sivi EI, ka ʻe tali ʻe he BYU-Pathway Worldwide ʻa e maaka EI ʻo aʻu ki he taʻu ʻe taha hili ʻa e ʻaho siví.
    ʻE lava nai ʻe he kau faifekaú ʻo fakahoko ʻenau sivi EI fakaʻosí ʻi he hili ʻenau ngāue fakafaifekaú?
    ʻIkai. ʻOku totonu ke fakahoko ʻe he kau faifekaú ʻenau sivi EI fakaʻosí lolotonga ʻenau ngāue fakafaifekaú. Ko e kau faifekau pē ʻoku lolotonga ngāué ʻoku lava ʻo hū ki he EI.
    ʻE lava nai ʻe he kau taki ʻo e misioná pe kau ngāue ʻi he ʻōfisí ʻo fakahoko ha sivi EI ke sio pe ʻoku fēfē?
    ʻE lava ke fakahoko ʻe he kau taki ʻo e misioná mo kinautolu ʻoku nau tokoni ki he ako lea fakafonua ʻi he misioná ha sivi EI ʻe taha ke sio pe ʻoku fēfē ʻa e siví. Ke fakahoko iá, ʻīmeili ki he languagesupport@churchofjesuschrist.org, fakamatalaʻi pe ko hai koe, misiona ʻokú ke kau ki aí, ʻuhinga ʻokú ke kole ai ha siví, pea mo hoʻo tuʻasila ʻīmeilí. Te ke maʻu ha ʻīmeili ʻoku ʻi ai ha fehokotakiʻanga ke ngāue ʻaki tuʻo taha pēki he siví ʻoku fiemaʻu ke fakahoko ʻi loto ʻi he ʻaho ʻe fitu.
    Fēfē kapau ʻoku faingataʻa ke hū ʻa e kau faifekaú ʻo maʻu ʻa e sivi LSA pe EI?
    Fakapapauʻi ʻoku nofo ʻa e kau faifekaú ʻi ha feituʻu ʻoku lelei ai ʻa e ʻinitanetí. Kapau ʻoku ʻikai maʻu ʻe he kau faifekaú ha meʻangāue toʻotoʻo pe kapau ʻoku ʻikai lelei ʻenau ʻinitanetí, kātaki ʻo ʻoange ha komipiuta mo ha maika mo ha meʻafanongo. Kapau ʻoku nau fehangahangai mo ha ngaahi palopalema kehe ʻi he hū ki he sivi EI pe LSA, kātaki ʻo ʻīmeili ki he languagesupport@churchofjesuschrist.org.