"Kapau ʻoku ʻikai ke ke lea faka-Pilitānia, ʻoku totonu ke ke ako ia ʻi hoʻo hoko ko ha faifekaú. ʻE faitāpuekina koe ʻe he meʻá ni lolotonga hoʻo ngāue fakafaifekaú pea ʻi he toenga hoʻo moʻuí.ʻE hanga ʻe hoʻo ako e lea faka-Pilitāniá ʻo ʻai ke ke lava ʻo tokoni ki hono langa e puleʻanga ʻo e ʻEikí ʻi ha ngaahi founga lahi ange pea ʻe hoko ia ko ha tāpuaki kiate koe mo ho fāmilí." – Malangaʻaki ʻEku Ongoongoleleí, Vahe 7

ʻE tokoniʻi fēfē koe ʻe he lea faka-Pilitāniá ke ke lavaʻi hoʻo ngaahi taumuʻá hili hoʻo ngāue
“Ki heʻeku ngaue, ʻoku ou tohi ha ʻimeili he ʻaho kotoa pē ki heʻeku pule ngāué … ʻOku ou tohi ʻi ha tuʻunga taukei.Ne u ako ia mei he EnglishConnect ki he Kau Faifekaú.” ʻEletā Sellar – Misiona Brazil São Paulo & India Bengaluru

• ʻE lava ke toe lelei ange hoʻo ngāue maʻuʻanga moʻuí mo e ngaahi faingamālie fakaakó, tautautefito ʻo fakafou ʻi he BYU-Pathway Worldwide.
• Fakakaukauʻi ʻi he faʻa lotu ʻa e vīsone ʻa e Tamai Hēvaní ki hoʻo moʻuí. Fakakaukau ki he founga ʻe lava ke tokoniʻi ai koe ʻe he lea faka-Pilitāniá ke ke lavaʻi ʻa e vīsone Hiki hoʻo ngaahi fakakaukaú. Te ke lava ʻo fakaʻaongaʻi e lea ʻa Palesiteni M. Lāsolo Pālatí “Return and Receive” ko ha fakahinohino ke fakatupulaki hoʻo ngaahi taumuʻá.
• Sio he vitio ʻi lalo ke sio ki he founga ʻe lava ke faitapuekina ai ʻe he EnglishConnect hoʻo moʻui he taimi ni pea ʻi he kahaʻu.

Te ke lavameʻa ʻi hoʻo falala ki he Laumālie Māʻoniʻoní mo fekumi ki he Meʻafoaki ʻo e Lea Kehekehé.

“Ko e konga ʻo e fekumi ki he meʻafoaki ʻo e lea kehekehé ko e ngāue mo e fefaʻuhi mo e faingataʻá pea fai e meʻa kotoa te ke lavá ke ako e leá. Faʻa kātaki ʻi hoʻo ako ʻi he faʻa lotu mo akoako ʻa e leá. Falala ʻe tokoniʻi koe ʻe he Laumālié ʻi hoʻo moʻui ʻi he founga ʻoku totonu ke ke faí pea fai ho lelei tahá. Tui te ke lava ʻo maʻu ʻa e meʻafoaki ʻo e leá ʻi hono tuʻunga moʻoni mo kakato tahá." Malangaʻaki ʻEku Ongoongoleleí, Vahe 7 | Ako e lea faka-Pilitāniá

"ʻE tokoniʻi kitautolu ʻe ha Tamai Hēvani angaʻofa ʻi heʻetau fekumí. ʻUluakí, ako ʻa e meʻa ʻoku totonu ke tau akó. Uá, fai e meʻa ʻoku totonu ke tau faí. Pea tolu, fai e tuʻunga ʻoku totonu ke tau aʻusia." -Palesiteni Thomas S. Monson, Ke Ako, ke Fakahoko, ke Aʻusia

ʻOku ʻomi ʻe he EnglishConnect ha ngaahi tuʻunga lahi ke tokoniʻi koe ke ke ako e lea faka-Pilitania. Fakakaukau ki hoʻo ngaahi taukei faka-Pilitānia lolotongá mo hoʻo falala ki he lea fakafonuá, peá ke lau leva ʻa e ngaahi fakamatala ʻi laló ke fakapapauʻi hoʻo tuʻunga kamatá.

Laukonga fekauʻaki mo e ngaahi tuʻunga ʻo e EnglishConnect pea fili pe ko e fē ʻa e meʻa ʻoku totonu kiate koe.

• EnglishConnect for Beginners: ʻOku siʻisiʻi pē ʻeku ʻilo pe ʻikai ha lea faka-Pilitania.

• EnglishConnect 1: ʻOku ou maheni mo e ʻalafapeti faka-Pilitāniá pea ʻoku ou lava pē ʻo lea ʻaki e ngaahi foʻi lea pe ngaahi kupuʻi lea kuo ako maʻulotó.
• EnglishConnect 2: te u lava ʻo faʻu ha ngaahi tefitoʻi setesi ka ʻoku ou faʻa faingataʻaʻia he taimi ʻe niʻihi ke fai ha kiʻi fepotalanoaʻaki faingofua.
• EnglishConnect 3: te u lava ʻo fai ha ngaahi fepotalanoaʻaki fakanatula pea lava ke u lau mo tohi ʻa e ngaahi tefitoʻi setesi.

Kapau ʻoku ke fie maʻu ha kiʻi tokoni ʻi hono fili ho tuʻunga, te ke lava ʻo fakaʻaongaʻi ʻa e meʻangāue ki he feituʻu ke maʻu ha fakaongoongolelei. Ko hono aofangatukú, ʻokú ke fakakaukauʻi pe ko e fē ʻa e tuʻunga ʻe lelei taha kiate koé.

Fakahoko ki hoʻo kouʻotineita ki he lea fakafonuá pe kau taki fakamisioná ʻa e tuʻunga naʻá ke filí.

ʻOku ʻi ai ha tohi ngāue ʻi he EnglishConnect 1, 2, mo e 3. Kapau ʻokú ke fie maʻu ha tohi ngāue, fetuʻutaki ki hoʻo kouʻotineita lea fakafonuá pe kau taki fakamisioná. Kapau ko ha tokotaha kamata foʻou koe ʻi he EnglishConnect, fakaʻaongaʻi ʻa e fakahinohino ʻoku fakafehokotaki ʻi lalo. Kapau ʻokú ke ʻi he EnglishConnect 1, 2, pe 3, download ʻa e ngaahi faile ʻo e ongó ki he tuʻunga ʻokú ke ʻi aí ki hoʻo device toʻotoʻo ʻa e faifekaú.

Ko kinautolu ʻeni ngaahi maʻuʻanga tokoni ʻi he ʻinitaneti kau ai ʻa e polokalama ki he ongó mo e telefoni toʻotoʻó te ne lava ʻo tokoniʻi koe ʻi hoʻo fakalakalaka ʻi he fakahinohino ki he kau kamata foʻoú pe ko hoʻo tohi ngaue.

ʻE lava foki ke ke hū ki he ongo ʻe malava ʻo download ki he ngaahi ʻekitivitī ʻo e tohi ngāué ʻi he ngaahi maʻuʻanga tokoni kehe konga.

Hoko atu ki he peesi hokó: Ako Ke Ola Lelei

Ke lavaʻi hoʻo ngaahi taumuʻá, kuo pau foki ke ke teuteuʻi fakalaumālie koe.

Fakakaukau ki he ngaahi fokotuʻu ko ʻeni mei he Malangaʻaki ʻEku Ongoongoleleí, Vahe 7

• Lotu fakamātoato ke maʻu ha tokoni fakalangi.
• Fekumi ki he ngaahi meʻafoaki ʻo e Laumālié, kau ai ʻa e meʻafoaki ʻo e lea kehekehé pea mo e meʻafoaki ʻo e fakaʻuhingaʻi ʻo e ngaahi lea kehekehé.
• Ako, akoako fakahoko, pea fakaʻaongaʻi e lea ʻa e misioná ʻi he ʻaho takitaha.

ʻE tokoni haʻo faʻu ha palani ako lea fakafonua ke tukutaha hoʻo taimi ako lea fakafonuá ʻi he ʻaho takitaha.

Pea hangē ko hono fakamatalaʻi ʻi he Malangaʻaki ʻEku Ongoongolelei, “Fakafuofuaʻi mo fakaleleiʻi hoʻo palani akó. Toe vakaiʻi hoʻo palani akó ʻi he uike takitaha ke vakaiʻi pe ʻoku ngāue. Malangaʻaki ʻEku Ongoongoleleí, Vahe 7

Ko kinautolu ʻeni ngaahi maʻuʻanga tokoni ʻi he ʻinitaneti ʻe lava ʻo tokoni atu ʻi hoʻo fakalakalaka ʻo fakafou ʻi he fakahinohino ʻa e kau kamata foʻou pe ko hoʻo tohi ngaue.

"ʻE tokoniʻi koe ʻe hoʻo ngaahi taumuʻa mahuʻingamālié mo e palani fakaleleí ke ke lavaʻi ʻa e meʻa ʻoku fie maʻu ʻe he ʻEikí meiate koé." Malangaʻaki ʻEku Ongoongoleleí, Vahe 8

Kamata hono ako mo lipooti e ngaahi taumuʻá mo e fakalakalaká ki hoʻo kouʻotineita ʻo e lea fakafonuá mo e kau taki fakamisioná.

Te u ʻiloʻi fēfē kuó u mateuteu ke hoko atu?

• EnglishConnect ma'á e Kau Kamata Foʻoú: Fakakakato hono kotoa 'o e ngaahi lēsoni ʻe ono ʻi he Fakahinohino ki he EnglishConnect for Beginners ʻi he Tall Embark mobile app.
• EnglishConnect 1: fakakakato ʻa e ngaahi ʻekitiviti kotoa ʻo e lēsoni, lavaʻi ʻa e ngaahi sivi ʻa e ʻiuniti, pea lavaʻi ʻa e sivi ʻo e EnglishConnect 1 ʻaki ha maaka ko e 80% pe maʻolunga ange, pea fakakakato ʻa e sivi kimuʻa ʻi he EnglishConnect 2.
• EnglishConnect 2: fakakakato ʻa e ngaahi ʻekitiviti kotoa ʻo e lēsoní, lavaʻi ʻa e ngaahi sivi ʻa e ʻiunití, pea lavaʻi ʻa e sivi ʻo e EnglishConnect 2 ʻaki ha maaka ko e 80% pe maʻolunga ange.
• EnglishConnect 3: hokohoko atu hono ako ʻo e EnglishConnect 3 ʻo aʻu ki he fakaʻosinga hoʻo ngāue fakafaifekaú kae lava ke ke teuteu lelei ke fai ʻa e ngaahi fakafuofuaʻi fakaʻosi ʻi hoʻo fehikitaki fakaʻosí.

Hili hono toe vakaiʻi e sīpinga palani fakauike ʻi laló, hoko atu ki he konga hono hokó: Muimuiʻi Hoʻo Fakalakalaká

Kuo ʻoatu ʻe he ʻEikí ʻa e faingamālie ko ʻení ke ke ako e lea faka-Pilitāniá lolotonga hoʻo ngāue fakafaifekaú.

Fai ha fakamatala ki he ʻEiki ʻi he ʻaho takitaha ʻi hoʻo fakalakalaká pea kole tokoni kiate Ia ʻi he ngaahi tafaʻaki ʻokú ke faingataʻaʻia aí.

“Neongo ʻoku ʻikai ke tau tuʻunga tatau kotoa ʻi he taukei, poto, mo e mālohi, … te tau haʻisia kotoa pē ki hono fakaʻaongaʻi ʻo e ngaahi meʻafoaki mo e ngaahi faingamālie kuo foaki mai kiate kitautolu.” - Palesiteni James E. Faust ʻOku ou Tui Te u Lava, Naʻá ku ʻIlo Te u Lava

Naʻe akonaki ʻa Palesiteni Monisoni ʻo pehē: "ʻI he taimi ʻoku fuatautau ai ʻa e ngāué, ʻoku fakalakalaka leva ʻa e ngāué. ʻI he taimi ʻoku fakafuofuaʻi mo lipooti ai ʻa e ngāué, ʻoku vave ange leva ʻa e fakalakalaká"

Vahevahe hoʻo fakalakalaká mo hoʻo palesiteni fakamisioná pea kumi ki heʻene faleʻí ke ne faleʻi koe ʻi ha faʻahinga faingataʻa pē ʻokú ke aʻusia.

Fakaafeʻi ia ke tokoni atu ke mahino kiate koe ʻa e founga ke fekumi ai ki he meʻafoaki ʻo e lea kehekehé.

Ngaahi Sivi ʻo e ʻIunití mo e Tuʻungá
ʻI he ʻosi ʻa e ʻiuniti mo e tuʻunga takitaha, fakakakato ʻa e ngaahi sivi fili ʻoku ʻoatu fakataha mo iá, ʻi he Ngaahi Maʻuʻanga Tokoni ʻa e Faifekaú peesi.

Sivi Angimui (EI)
Toʻo ʻa e EL ʻi he fehikitaki hono tolu kotoa pē (māhina ʻe fā) ʻi he Missionary Portal ke muimuiʻi e fakalakalaka hoʻo potoʻi lea fakafonuá.

Fai hoʻo sivi EL fakaʻosí ʻi hoʻo fehikitaki fakaʻosí. Fakapapauʻi ke download hoʻo tohi fakamoʻoní ʻi he ʻosi ʻa e siví pea seivi ia. Te ke lava ʻo fakaʻaongaʻi ia ke fakaʻaliʻali ki he kau pule ngāué pe ngaahi kautaha akó hoʻo potoʻi lea faka-Pilitāniá. Kapau te ke maʻu ha maaka ko e 6.5 pe maʻolunga ange, ʻoku tomuʻa fakangofua koe ke ke hū ki he BYU-Pathway Worldwide.

Hoko atu ki he peesi hokó: Hili Hoʻo Ngāue Fakafaifekaú

“Feinga ke ke taukei ʻi he leá ʻi hoʻo ngāue fakafaifekaú mo e hili hoʻo foki ki ʻapí. Kuo foaki lahi atu ʻe he ʻEikí kiate koe, pea mahalo naʻá Ne fakaʻaongaʻi e meʻa te ke malava ʻi hoʻo leá ʻamui ange ʻi hoʻo moʻuí...Pea ʻi hoʻo fai iá, ʻe toe lelei ange hoʻo [akoʻí] mo hoʻo ngaahi taukei fakamoʻoní. ʻE tali lelei ange koe pea toe hā fakalaumālie ange ki he [kakai ʻokú ke akoʻí]....ʻOua naʻá ke fiemālie pē ki he meʻa ʻoku tau ui ko e lea fakafaifekau pē. Ako lahi ange ʻi he lea fakafonuá, pea te ke lava ʻo maʻu ha faingamālie lahi ange ki he loto ʻo e kakaíʻ”
Malangaʻaki ʻEku Ongoongoleleí, Vahe 7

Kapau he ʻikai ke ke fakaʻosi e EnglishConnect ʻi hoʻo ngāue fakafaifekaú, kau atu ki ha kulupu fepōtalanoaʻaki ofi atu kiate koe.

Hili hoʻo toʻo ʻa e EI fakaʻosi, kapau te ke maʻu ha ola ko e 6.5 pe maʻolunga ange, ʻoku tomuʻa fakangofua koe ke ke hū ki he BYU-Pathway Worldwide.

Oku fakahaaʻi ʻe he fakatotoló ʻe malava ʻe he lelei ange ʻa hoʻo lea faka-Pilitāniá ʻo fakalahi ho ngaahi faingamalie fakangāué mo fakalahi hoʻo vahé.