Mga Pagsukod [Assessments] sa Pinulongan

Ang mga pagsukod sa pinulongan sa misyonaryo mao ang mga himan nga makatabang sa mga misyonaryo nga nagkat-on og bag-ong pinulongan. Adunay duha ka pagsukod sa pinulongan nga ang mga misyonaryo makahimo: ang pagsukod pinaagi sa pagsubli sa gisulti (PG) [elicited imitation assessment (EI)] ug ang pagsukod sa pagsulti og pinulongan (PPP) [language speaking assessment (LSA)]. Ang duha motabang sa mga misyonaryo sa pagrebyo sa ilang pag-uswag ug paglambo sa ilang pagtuon sa pinulongan.

Pagsubli sa Gisulti (PG)
Alang sa mga misyonaryo nga nagkat-on og Iningles pinaagi sa EnglishConnect alang sa mga Misyonaryo. Kini nga pagsukod anaa usab diha sa Kinatsila [Spanish], Pranses [French], Alemanya [German], Italyano [Italian], Hapones [Japanese], Ininsek [Mandarin], Portuguese, ug Tagalog alang sa mga misyonaryo nga gitahasan sa pagkat-on og pinulongan sa misyon.

Ang pagsukod pinaagi sa pagsubli sa gisulti (PG) magtabang sa mga misyonaryo nga masukod ang ilang mga abilidad ug pag-uswag sa pinulongan. Atol niini nga pasulit [test] (maakses diha sa usa ka kompyuter o telepono), ang mga misyonaryo makadungog ug mosulti og nagkadaiya nga mga kapahayag [sentences] diha sa pinulongan nga ilang nakat-onan. Ang mga kapahayag mahimong mas taas ug mas komplikado samtang ang pasulit magpadayon.

Sa kataposan sa pasulit, ang mga misyonaryo makadawat og usa ka report nga adunay mga sugyot ug audio nga mga ehemplo aron sa pagtabang kanila sa pagpalambo sa ilang pagtuon sa pinulongan. Maka-download usab sila sa sertipiko nga gihatag sa kataposan sa pasulit nga magamit human sa ilang mga misyon. Kinahanglang mokuha ang mga misyonaryo og usa ka PG nga pagsukod sa pinulongan matag 105 ka adlaw (matag tulo ka pagbalhin).

Pagsukod sa Pagsulti og Pinulongan (PPP)
Alang sa tanang mga misyonaryo nga nagkat-on og usa ka pinulongan.

Ang pagsukod sa pagsulti og pinulongan (PPP) maghatag og usa ka oportunidad alang sa mga misyonaryo sa kinaugalingon nga pagtimbangtimbang sa ilang pag-uswag sa pinulongan ug paglambo sa ilang pagtuon sa pinulongan. Niini nga pasulit, sila motubag sa mga pangutana bahin sa ilang mga abilidad sa pinulongan ug motubag sa mga pag-aghat sa pagsulti diha sa pinulongan nga sila nagkat-on. Ang mga misyonaryo makadawat dayon og report base sa ilang kinaugalingong pagsukod. Kining kinaugalingong pagsukod mahimong makuha bisan kapila kon ganahan.

Mga Kanunayng Ipangutana

Kanus-a ang mga misyonaryo kinahanglang mokuha niini nga mga pagsukod? Nganong kinahanglan man nilang sundon ang eskedyol sa pagsukod?

Ang mga misyonaryo kinahanglang mokuha sa pagsukod sa PG matag 105 ka adlaw (matag tulo ka pagbalhin). Dili nila kini mahimong makuha taliwala niana nga mga panahon sa pagsukod. Sila makakuha sa PPP, nga anaa sa tanang pinulongan, bisan kapila kon ganahan. Ang mga misyonaryo kinahanglan gayod mokuha sa pagsukod sa PG atol sa ilang kataposan nga pagbalhin (dili igsapayan kon kanus-a sila kataposang mikuha og PG).

Ang mga misyonaryo makadawat og email kon panahon na nga sila mokuha sa pagsukod. Kini nga pagsukod mahimong makuha sulod sa duha ka semana human madawat ang email. Kini nga mga pahinumdom sa email gipadala sumala sa

Eskedyol sa Pagsukod sa Pinulongan [Language Assessment Schedule]

sa usa ka area.

Ang pagsunod niini nga eskedyol makatabang sa mga misyonaryo ug niadtong nagsuporta nila sa pagsiguro nga ang mga grado sa pagsukod alang sa tanang mga misyonaryo diha sa area moabot diha sa samang higayon. Kini makatabang sa mga lider aron mas masuta kon giunsa pagpa-uswag sa mga misyonaryo ang ilang mga abilidad sa pinulongan.

Sa unsa nga paagi ang mga misyonaryo mokuha og usa ka pagsukod sa pinulongan?

Ang mga misyonaryo makaakses og dungan sa PG ug sa PPP gamit ang link nga gihatag diha sa ilang pahinumdom nga email o sa link sa ilang mga Kapanguhaan sa Pagkat-on og Pinulongan [Language Learning Resources] nga pahina diha sa ilang Missionary Portal.

Unsaon nako sa pagsusi sa mga score sa pagsukod sa pinulongan sa mga misyonaryo?

Ang mga lider sa misyon (mga presidente sa misyon [mission presidents], mga kompanyon sa presidente sa misyon, ug mga magtatambag sa kapangulohan sa misyon) adunay akses ngadto sa

Report sa Paglambo sa Pinulongan [Language Development Report]

sa ilang Missionary Portal. Tan-awa kining Report sa Paglambo sa Pinulongan aron masayod kon kumusta na ang pagpahigayon [performance] sa mga misyonaryo sa ilang mga pagsukod sa pinulongan. Kini nga report naglakip sa mga estatistika alang sa mga misyonaryo kinsa nagkat-on og pinulongan sa misyon ug mga misyonaryo kinsa nagkat-on og Iningles pinaagi sa EnglishConnect alang sa mga Misyonaryo. Kini naglakip usab sa detalyado nga mga report sa pag-uswag alang sa indibidwal nga mga misyonaryo.

Ang mga lider sa misyon mahimong mopakigbahin sa report uban niadtong nagsuporta sa pagkat-on sa pinulongan diha sa misyon pinaagi sa pag-download sa datos gikan sa “Download” tab diha sa report.

Sa unsang paagi ang mga misyonaryo makatuon taliwala sa pagsukod sa PG?

Taliwala sa mga pagsukod sa PG, ang mga misyonaryo mahimo nga:

Mogamit sa EnglishConnect for Missionaries nga mga workbook ug audio (o web app) ug ang Embark app.
Mogamit sa PG nga report o PPP nga report isip giya alang sa mga ideya kon unsa ang tun-an.
Mopakigbahin sa ilang mga rekording sa audio gikan sa PG nga report o sa PPP nga report uban ang mga mas daghang hanas nga mga mamumulong aron makadawat sa feedback.
Maghimo og sinemana nga plano sa pagtuon sa pinulongan nga adunay piho nga mga tumong (tan-awa sa Isangyaw ang Akong Ebanghelyo kapitulo 7 alang sa dugang kasayoran).

Asa makita sa mga misyonaryo ang ilang mga resulta?

Ang mga misyonaryo makatan-aw sa ilang mga resulta sa pagsukod pinaagi sa pag-adto sa pahina sa pagsukod sa pinulongan sa ilang Missionary Portal. Gikan diha, mahimo nilang i-click ang “Tan-awon ang mga Resulta” nga tab aron makita ang ilang milabay nga mga resulta sa pagsukod.

Unsa ang buhaton sa mga misyonaryo sa ilang mga resulta?

Ang pahina sa mga resulta (tan-awa sa “Asa makita sa mga misyonaryo ang ilang mga resulta”) nagpakita sa gibana-bana nga kasamtangang abilidad sa pinulongan sa usa ka misyonaryo. Ang mga misyonaryo mahimong mogamit sa mga ideya, mga kalihokan, ug mga kapanguhaan dinhi niining pahina aron sa pagtabang kanila sa pagpalambo sa ilang pagtuon og pinulongan.

Sa ilang kataposang pagbalhin, ang mga misyonaryo maka-download sa sertipiko sa kataposan sa pagsukod sa PG aron magamit human sa ilang misyon. Kini nga sertipiko mahimong makapauswag sa ilang mga oportunidad sa pagpanarbaho human sa misyon ug sa oportunidad sa pag-apil sa BYU-Pathway Worldwide.

Ang BYU–Pathway Worldwide makahatag og akses sa gipaluyohan sa Simbahan, gipaubsan nga bayranan, nga mga online nga kurso nga gipakigtambayayong sa BYU–Idaho ug Ensign College.

Unsa nga score ang kinahanglang makab-ot sa mga misyonaryo sa ECM aron maka-apply alang sa BYU-Pathway Worldwide?

Ang mga misyonaryo nga naka-score og 6.5 o mas taas pa sa ilang kataposan nga pasulit sa PG makalingkawas sa English nga mga kinahanglanon aron madawat sa BYU-Pathway Worldwide. Ang mga misyonaryo mahimong makapalista [enroll] sa BYU-Pathway Worldwide atol sa kataposang pagbalhin sa ilang misyon (tan-awa sa Handbook for Mission Leaders, 2.7.2. “Help applying to BYU-Pathway Worldwide”.)

Ang mga return missionary kinsa nadawat sa BYU-Pathway Worldwide awtomatik makadawat og

25-porsiyento nga diskwento sa

twisyon [tution] sa sukaranang mga kurso [foundational courses] sa BYU-Pathway (PathwayConnect).

Unsa kaha kon dili igo ang score nga ilang makuha?
Kon ang usa ka misyonaryo dili makakuha og 6.5 o mas taas pa sa PG, siya makapadayon sa pagtuon sa English gamit ang EnglishConnect nga mga materyal. Para sa EnglishConnect 3, ang mga return missionary dili na makagamit sa libre nga bersyon sa misyonaryo, apan sila mahimong

moapil sa EnglishConnect nga grupo [join an EnglishConnect 3 group]

sa ilang lugar nga adunay gamay nga bayad sa twisyon aron makapadayon sa programa. Kon ang usa ka misyonaryo makakompleto sa EnglishConnect 3 o mobati nga andam sa pag-aplay sa BYU-Pathway Worldwide, mahimo niyang kuhaon ang Pagsukod sa Iningles nga Pinulongan [English Language Assessment] aron madawat.

Unsa ang anaa sa sertipiko sa PG?

Kini nga sertipiko maglakip sa ngalan sa misyonaryo, score sa pagsukod, usa ka pagtandi ngadto sa CEFR nga scale, interpretasyon sa score, petsa sa pagkuha sa pasulit, ug petsa nga nagpakita kon unsa ka dugay ang sertipiko balido. Ang sertipiko balido sulod sa upat ka bulan human sa pagkuha sa pagsukod sa PG, apan ang BYU-Pathway Worldwide modawat sa PG nga score hangtod sa usa ka tuig human sa petsa sa pagsulay.

Mahimo ba nga makakuha ang mga misyonaryo sa ilang kataposang pagsukod sa PG pagkahuman sa ilang misyon?

Dili. Ang mga misyonaryo kinahanglang mokuha sa ilang kataposang pagsukod sa PG samtang naa sa ilang misyon. Ang kadto lamang mga misyonaryo nga anaa sa field mao ang adunay access sa PG.

Makakuha ba og pagsukod sa PG ang mga lider sa misyon o kawani sa opisina sa misyon aron makahibalo kon unsa kini?

Ang mga lider sa misyon ug kadtong nagsuporta sa pagkat-on sa pinulongan diha sa misyon mahimong mokuha og usa ka pagsukod sa PG aron makahibalo kon unsa ang pasulit. Aron mahimo kini, pag-email sa

languagesupport@churchofjesuschrist.org

, ipasabot kon kinsa ka, ang misyon diin ka nahisakop, ngano nga nangayo ka og usa ka pasulit, ug unsa ang imong email address. Makadawat ka og email nga adunay usa ka gamit nga link sa pagsulit nga kinahanglan buhaton sa sulod sa pito ka adlaw.

Unsa kaha kon ang mga misyonaryo maglisod sa pag-akses sa pagsukod sa PPP o PG?

Siguroha nga ang mga misyonaryo anaa sa dapit nga adunay igo nga akses sa internet. Kon ang mga misyonaryo walay mobile device o kon ang ilang akses sa internet hinay, palihog hatagi sila og akses sa usa ka kompyuter nga adunay mikropono ug mga headphone. Kon sila adunay laing mga isyu sa pag-akses sa pagsukod sa PG o sa PPP, palihog og email sa

languagesupport@churchofjesuschrist.org