Itulau autu
Fesoasoaniga
Punaoa a Faifeautalai 
Languages
  • English
  • Cebuano
  • 中文
  • Deutsch
  • Français
  • Italiano
  • 日本語
  • 한국어
  • Português
  • русский
  • Español
  • Tagalog
  • Tongan
  • Sāmoa
  • українська
    • x
    Fesoasoaniga
    Languages
  • English
  • Cebuano
  • 中文
  • Deutsch
  • Français
  • Italiano
  • 日本語
  • 한국어
  • Português
  • русский
  • Español
  • Tagalog
  • Tongan
  • Sāmoa
  • українська
    • Punaoa a Faifeautalai 
    66c9fe3d8c077cea75b88a9479053e61134b4127.jpeg
    66c9fe3d8c077cea75b88a9479053e61134b4127.jpeg
    Faifeautalai
    Iloiloga o Gagana
    > ... Iloiloga o Gagana

    O iloiloga o gagana a faifeautalai o ni meafaigaluega aoga mo faifeautalai o loo aoaoina se gagana fou. E lua iloiloga o gagana e mafai ona fai e faifeautalai: o le iloiloga faataitai o le tomai mo tagata aoao uma (EL) ma le iloiloga o le gagana tautala (LSA). O le a taufai fesoasoani ia suega e lua i faifeautalai e iloilo ai lo latou alualu i luma ia latou suesuega o le gagana.

    Suega Faataitai (SF)
    Mo faifeautalai e aoaoina le Igilisi e ala i le EnglishConnect mo Faifeautalai. O lea iloiloga o loo maua foi i le faaSipaniolo, Farani, Siamani, Italia, Iapani, Korea, Meniterini, Potukale, ma le Tagalog mo faifeautalai e tofia e aoao se gagana o le misiona.

    O le iloiloga i suega faataitai (SF) e fesoasoani i faifeautalai e iloilo o latou tomai i le gagana ma le alualu i luma. I le taimi o lea suega (lea e mafai ona maua i luga o se komepiuta po o se telefoni), o le a faalogo ai faifeautalai ma tauloto mai ni fuaiupu eseese i le gagana o loo latou aoaoina. E oo ina uumi ia fuaiupu ma fai si lavelave a o faaauau pea le suega.

    I le faaiuga o le suega, o le a maua e faifeautalai se lipoti faatasi ai ma fautuaga ma faataitaiga faaleo e fesoasoani ai e faaleleia a latou suesuega o le gagana. E mafai foi ona latou sii maia le tusi faamaonia o loo i ai i le faaiuga o le suega e faaaoga pe a mae’a a latou misiona. E tatau i faifeautalai ona faia le suega faataitai EI mo le iloiloga o se gagana i le ta’i 105 aso (i siitaga uma e tolu).

    Iloiloga o le Tautala i le Gagana (ITG)
    Mo faifeautalai uma e aoaoina se gagana.

    O le iloiloga o le tautala i le gagana (LSA) e maua ai le avanoa mo faifeautalai e iloilo ai e le tagata lava ia lo latou alualu i luma i le gagana ma faaleleia ai lo latou suesueina o le gagana. I lea suega, o le a latou tali atu ai i fesili e uiga i o latou tomai i le gagana ma tali faaleo atu ai i ni faatonuga i le gagana o loo latou aoaoina. Ona maua lea e faifeautalai se lipoti e faavae i luga o lo latou iloiloga faaletagata lava ia. O lenei iloiloga faaletagata lava ia e mafai ona fai faatele i soo se taimi e manaomia ai.

    d5ab495308400211817e7289ee311fb3fa807571.jpeg 52330fc6b7eaaabbb01865f47c9da42e080b38d7.jpeg

    O Fesili e Fesiligia Soo

    O afea e tatau ona faia ai e faifeautalai nei iloiloga? Aisea e tatau ai ona latou mulimulitai i faatulagana o iloiloga?
    E tatau i faifeautalai ona faia le suega faataitai EI mo le iloiloga i le tai 105 aso taitasi (siitaga e tolu). O le a le avanoa mo i latou i le va o iloiloga. E mafai ona latou faia le LSA, lea e avanoa mo gagana uma, i le tele e manaomia ai. E tatau i faifeautalai ona faia le suega o le iloiloga o le EL i la latou siitaga mulimuli (e tusa lava po o le a le taimi mulimuli na latou sueina ai le EI).

    O le a maua e faifeautalai se imeli pe a oo i le taimi latou te faia ai se iloiloga. E mafai ona faia lea iloiloga i totonu o le lua vaiaso pe a mavae ona maua le imeli. O nei imeli faamanatu e auina atu e tusa ma le Faasologa o le Iloiloga o Gagana a se eria.

    O le mulimuli i lenei faasologa o le a fesoasoani i faifeautalai ma o e lagolagoina i latou ia mautinoa e maua mai togi mo faifeautalai uma i le eria i le taimi e tasi. O le a fesoasoani lea i taitai e fua lelei ai pe o faapefea mai faifeautalai i o latou tomai i le gagana.
    Pe faapefea ona faia e faifeautalai se iloiloga o le gagana?
    E mafai e faifeautalai ona maua uma le EI ma le LSA i sootaga ua tuuina atu i a latou imeli faamanatu po o le sootaga i luga o la latou itulau o le Punaoa mo le Aoaoina o le Gagana i le Faitotoa a Faifeautalai.
    Pe faapefea ona ou siakia togi o iloiloga o gagana a faifeautalai?
    O taitai o misiona (o peresitene misiona, soa a peresitene misiona, ma fesoasoani i au peresitene o misiona) e mafai ona o i le Lipoti o le Atinaeina o Gagana i luga o le Faitotoa a Faifeautalai. Tagai i le Lipoti o le Atinaeina o Gagana e iloa ai pe o faapefea mai faifeautalai i a latou iloiloga o gagana. O lenei lipoti e aofia ai fuainumera mo faifeautalai o loo aoaoina se gagana i le misiona ma faifeautalai o loo aoaoina le Igilisi e ala i le EnglishConnect mo Faifeautalai. O loo aofia ai foi lipoti auiliili o le alualu i luma mo faifeautalai taitasi.

    E mafai e taitai misiona ona faasoa atu le lipoti ia i latou o e lagolagoina le aoaoina o gagana i le misiona e ala i le sii mai o faamatalaga mai le faamau "Download" i luga o le lipoti.
    E mafai faapefea e faifeautalai ona suesue i le va o iloiloga o le El?
    I le va o iloiloga EI, e mafai e faifeautalai ona:

    • Faaaoga tusigalue o le EnglishConnect mo Faifeautalai ma lipine leo (po o le web app) ma le Embark app.
    • Faaaoga le lipoti o le El po o le lipoti o le LSA e fai ma taiala mo manatu po o a mea e suesue ai.
    • Fefaasoaai a latou pu’ega leo mai le lipoti a le El po o le lipoti a le LSA ma nisi failauga ua tele atu le tomai e maua mai ai manatu faaalia.
    • Fatufatu se fuafuaga e suesue ai le gagana i vaiaso taitasi faatasi ai ma sini patino (tagai i le Tala’i La’u Talalelei mataupu 7 mo nisi faamatalaga).
    O fea e mafai e faifeautalai ona maua ai faaiuga o a latou suega o iloiloga?
    E mafai e faifeautalai ona tagai i faaiuga o a latou iloiloga e ala i le itulau o le iloiloga o le gagana i luga o le Faitotoa o Faifeautalai. Mai iina, e mafai ona latou kiliki i luga o le faamau “Tagai i Faaiuga” e vaai ai i faaiuga o a latou iloiloga talu ai.
    O a mea e fai e faifeautalai i faaiuga o a latou iloiloga?
    O le itulau o faaiuga (tagai “O fea e mafai e faifeautalai ona maua ai a latou faaiuga”) o loo faaalia ai se fuafaatatau o se tomai o le gagana ua i ai nei i le faifeautalai. E mafai e faifeautalai ona faaaoga manatu, gaoioiga, ma punaoa o loo i lenei itulau e fesoasoani ai ia i latou e faaleleia a latou suesuega o le gagana.

    I le latou siitaga faai’u, e mafai e faifeautalai ona sii mai le tusi faamaonia i le faaiuga o le iloiloga o le El mo le faaaogaina pe a mae’a a latou misiona. O lea tusi faamaonia e mafai ona faleleia ai o latou avanoa mo galuega pe a mae’a misiona ma le avanoa e auai ai i le BYU-Pathway i le Lalolagi Atoa.

    O le BYU–Pathway i le Lalolagi Atoa e mafai ai ona maua tikeri e lagolagoina e le Ekalesia, ua tuuitiitia le tau, i luga o le initoneti e fesootai ai ma le BYU–Idaho ma le Kolisi o le Ensign.
    O a togi e manaomia e faifeautalai o le ECM ona maua e talosaga ai mo le BYU=Pathway i le Lalolagi Atoa?
    O faifeautalai e maua togi e 6.5 pe maualuga atu i a latou suega faaiu o le El o le a le moomia tulaga masani o le Igilisi e talia ai mo le BYU-Pathway Worldwide. E mafai ona lesitala faifeautalai i le BYU-Pathway i le Lalolagi Atoa i le taimi o a latou siitaga faaiu o a latou misiona (tagai i le Tusitaulima mo Taitai Misiona, 2.7.2. “Fesoasoani e talosaga i le BYU-Pathway Worldwide”.)

    O faifeautalai e uma mai misiona o e ua talia i le BYU-Pathway i le Lalolagi Atoa o le a otometi lava ona maua se pa’ū e 25-pasene o le pili i le taimi o kosi faavae o le BYU-Pathway (PathwayConnect).

    Ae faapefea pe a le lava le maualuga o o latou togi?
    Afai e le maua e se faifeautalai togi e 6.5 pe maualuga atu foi i le El, e mafai ona faaauau pea ona ia suesue le Igilisi e faaaoga ai anomea o le EnglishConnect. Mo le EnglishConnect 3, o le a le toe mafai e faifeautalai e maea mai misiona ona faaaoga lomiga maua fua mo faifeautalai, ae e mafai ona latou auai faatasi ma se vaega o le EnglishConnect 3 i lo latou eria mo sina pili laitiiti e totogi e faaauau ai le polokalama. Pe a mae’a le EnglishConnect 3 a se faifeautalai pe ua lagona foi ua saunia e talosaga i le BYU-Pathway Worldwide, ua mafai loa e ia ona fai le Iloiloga o le Gagana Peretania e ulufale ai.
    O le a se mea o i ai i le tusi faamaonia o le El?
    O lenei tusi faamaonia ua aofia ai le igoa o le faifeautalai, o togi o lana suega, o se fua e faatusatusa i le CEFR, o se faamatalaina o le togi, le aso na faia ai le suega, ma se aso e ta’u mai ai le umi e aoga ai le tusi faamaonia. E fa masina le aoga o le tusi faamaonia pe a maea ona fai le iloiloga o le El, ae o le a talia e le BYU-Pathway Worldwide ia togi o le El e oo i le tausaga e tasi pe a mae’a le aso o le suega.
    Pe mafai e faifeautalai ona fai a latou iloiloga faaiu o le El pe a mae’a a latou misiona?
    E leai. E tatau i faifeautalai ona faia le suega faataitai faaiu o le EI mo le iloiloga a o i ai ia latou misiona. E na o faifeautalai o i ai i le misiona e mafai ona maua le El.
    Pe mafai e taitai misiona po o le aufaigaluega i le ofisa ona fai se iloiloga o le El ina ia iloa ai pe faape’ī?
    O taitai misiona ma i latou e lagolagoina le aoaoina o le gagana i le misiona e mafai ona faia se iloiloga se tasi o le El ia iloa ai pe faape’ī le suega. Ina ia faia, imeli i le languagesupport@churchofjesuschrist.org, faamatala i ai pe o ai oe, le misiona na e te i ai, pe aisea ua e talosagaina ai se suega, ma lou tuatusi imeli. O le a e mauaina se imeli ma se sootaga e tasi le faaaogaina mo le suega, lea e tatau ona faia i totonu o le fitu aso.
    E faapefea pe a faigata i faifeautalai ona maua le iloiloga o le LSA po o le El?
    Ia mautinoa o loo i ai faifeautalai i se nofoaga e lava le malosi o le initoneti. Afai e leai se masini feaveai a faifeautalai pe le lelei foi le mauaina o le initoneti, faamolemole ia tuuina atu ia i latou le avanoa i se komepiuta e i ai se masini faaleotele leo ma mea faalogo. Afai o i ai nisi faafitauli mo le mauaina o le iloiloga o le El po o le LSA, faamolemole imeli i le languagesupport@churchofjesuschrist.org.